يابويـ..!!

أهــــــداء إلى أبويا


يابوي ليه تبكي كل ما شفتـك وعينـك لـي
تخاف أموت يابوي وقبـل المـوت تبكينـي
كفى يابوي لا تبكي وأنا موجود معـك وحـي
أجل بعد الرحيل وشلون في قبـري توطينـي
يابوي لو تموت الناس ماتسوى دموعـك ذي
وأنا يابوي ميت قبل أمـوت وأنـت محينـي
قسم بالله يابوي لجل عينـك شربـت الغـي
جرعت الهم والحرمان وبحر الويل يسقينـي
تحملت السنين اللي طوتني في عذابـي طـي
وصار الجمر بكفوفي وتحت أقـدام رجلينـي
يابوي ما على عمري حسافه ولا بقى بي شي
ولكـن بطلبـك يابـوي تكفـى لا تخلينـي
يابوي ما أبي غيرك يغسـل جثتـي بالمـي
وتكفى قبل ما أتكفن يابوي فـك لـي عينـي
بأمر الله يمكن ألمحك وأرحـل بعينـي ضـي
وأودع وجهك الطاهر مـع دنيـاي وسنينـي
وخل الناس تحملني وترفع راسـي ورجلـي
وتاخذني على قبري وتكسـب أجرهـا فينـي
وإذا جيت القبر يابوي نزلني شـوي شـوي
ووجهنـي لبيـت الله وقبـلـة المصليـنـي
وإذا تقدر أبي صورتك أمانه حطها في يـدي
لعل الله يشفع لي إذا صورتـك فـي يدينـي
وحط الطين وإدفني وعز اللـي يعـزي فـي
ثـلاث أيـام يابـوي يجونـك المعزيـنـي
ورابع يوم يابوي تذكـر ضحكتـي وعينـي
تذكر ويش كنت أقـول يـوم انـك تنادينـي
تذكر يوم كنت أنام في ظـل النخـل والفـي
تجي يمي تصب الماء على وجهي وتصحيني
تذكر جرة الموال وصـوت فـي حبالـه تـي
تذكر يوم أغني لك قصيدي وأنـت توحينـي
تذكر ضحكتك لا قلت لك يابوي عشقي هـي
تذكر كـم قصيـده خافيـه مابينـك وبينـي
تذكر كل شي كان وأذكـر يـوم يــزن حـي
ولكـن أسألـك بالله يـابـوي لا تبكيـنـي